РЕИ-проект Македонија

ФОКИМ „Чекор по чекор“ во партнерство со ФИИОМ и четири локални ромски невладини организации дадоа предлози за спроведување на проектот „Иницијатива за образование на ромите“ (ИОР).

Целта на проектот е да придонесе во подобрување на образовниот систем во Македонија, со цел системот поподготвено да им излезе во пресрет на ромските деца и нивните образовни потреби на возраст до 18 години.

Задачи на проектот „Иницијатива за образование на ромите“:

Да се подобрат знаењата и вештините кај ромските деца;

Да се зголемат капацитетите на основните училишта за да излезат во пресрет на потребите на ромските деца;

Да се придонесе во развивањето „Национална стратегија која се осврнува на ромските прашања во Република Македонија“ (во која образованието на ромите ќе биде интегрален дел);

Зајакнување на капацитетите на ромските образовни центри, заради обезбедување помош со висок квалитет за ромските деца (предучилишно, основноучилишно и ученици од средните училишта).

Во 4-те основни училишта ќе се обезбеди сеопфатна обука за учители и обука за организациски развој на капацитетите за училиштата и наставниот кадар да можат подобро да ги интегрираат ромските деца. Покрај зголемување на вештините и знаењата на учителите за користење на Методологии, кои во центарот ги имаатдецата, за секое дете ќе се спроведе обука на тема: „Без предрасуди“.

Наставниот кадар и стручните служби од училиштата ќе добијат и техничка помош за развивање и спроведување план за подобрување на работата на училиштата.

Четирите невладини организации кои се одговорни за обезбедување услуги во ромските образовни центри се:

• „Дендо Вас“ – Скопје
• „Дром“ – Куманово
• „КХАМ“ – Куманово
• „Помош за сиромашни и хендикепирани“ – Прилеп

Едукаторите од Ромските едукативни центри ќе бидат обучени за Методологии кои во центарот ги имаат децата, за „Без предрасуди“ како и за мобилизација на локалните ресурси и Менаџмент проектен циклус.

Главна цел на проектот е да ги подобри знаењата и вештините кај ромските деца, на возраст од 0 до 18 години, вклучени во проектот. Проценето е дека, има околу 200 предучилишни, 930 основноучилишни и 100 средношколски деца, кои заедно со нивните семејства ќе бидат целна група на проектот.

Основни училишта кои се вклучени во изведувањето на проектот се:

• „Страшо Пинџур“ – Скопје
• „11 Октомври“ – Куманово
• „Кристијан Карпош“ – Куманово
• „Добре Јовановски“ – Прилеп

Проектот ќе ги комбинира успешните искуства произлезени од програмата „Чекор по чекор“ (работата според Методологии кои во центар ги имаат децата до 12 години). Медодологијата „Со читање и пишување до критичко мислење“, фокусирана врзразвивање вештини за критичко размислување кај учениците од различна возраст и искуството од ромските образовни центри (неформални центри кои им помагаат на децата во постигнување повисоки резултати во образованието).

Последна компонента на проектот е да се даде придонес во подготовката на „Националната стратегија сврзана со ромските прашања во Република Македонија“, такашто ќе се обезбедат можности сите заинтересирани страни да земат учество во дијалогот, кој ќе се води на национално ниво за потребите и приоритетите на ромските деца и за конкретнитедејства, кои треба да се превземат имајќи го сето ова на ум.

Фондацијата за образовни и културни иницијативи „Чекор по чекор“ – Македонија ќе биде одговорна за целосното раководење со проектот, обука на едукатори-наставници во Ромските образовни центри и основни училишта, мониторинг и евалуација.

Временска рамка на проектот „Иницијатива за образование на ромите“:

Септември 2005 година. Проектните активности во центрите ќе се изведуваат до крајот на јуни 2005 година.

Крајната евалуација и извештајот за проектот ќе се направат во септември 2005 година.