ПРОФЕСИОНАЛНА ОБУКА

Обуката на наставниците е една од главните активности на Фондацијата. Семинарите и работилниците се најзначајна компонента која придонесува за успехот во работата. Покрај семинарите за воспитно-образовните тимови од градинките и училиштата кои директно се вклучени во реализацијата на наставниот план и програма кој во центарот ги има децата, реализиравме семинари за педагози, психолози, директори на градинки и училишта, а и за советници од Бирото за Развој на Образованието, кои се одговорни за градинките и основните училишта. Нашите семинари им даваат можност на учесниците за активно учество во висококвалитетна обука и нудат нови информации кои можат да бидат применети во работата со деца. Нашите планови за во иднина се базирани врз основните принципи на Програмата „Чекор по чекор“, а тоа е учење кое ќе трае цел живот и за децата и за сите професионалци кои работат со нив.

СОДРЖИНСКИ ДЕЛ ОД ОБУКИТЕ

Критериумите за избор на теми кои што ќе се реализираат се детерминирани од следниве насоки:

• Потреби на тимовите од градинките/училиштата;
• Потешкотии на кои се наидува при реализирање на некои од компонентите на Програмата;
• Иницијативи на индивидуални стручни лица, кои имаат потреба од перманентно усовршување во одредено воспитно-образовно подрачје;
• Потреби, предлози и барања од институции кои се занимаваат со воспитно-образовна дејност за деца и млади;
• Потреба од стручна и современа обука за работа со деца и млади во рамките на Детските Креативни Центри;
• Иницијативи за стручна помош во работа со деца бегалци во стресна и злоупотребена состојба и работа со нивните семејства;
• Потреба од претставување современи модели на воспитно-образовна работа на студенти од Педагошките факултети и  Институтот за педагогија при Филозофскиот факултет;
• Спроведување на перманентна обука за работа со деца со посебни потреби;
• Унапредување и функционирање на модел училишта и модел градинки;
• Обука за мрежно проширување на обучувачи кои што ќе ја продолжат обуката на воспитно-образовниот кадар.

Семинарите кои ќе ги реализираме ќе се осврнат на потребите кои ги имаат трите целни групи:

• Нови наставници и воспитувачи кои до сега немале можност да учествуваат во реализацијата на Програмата „Чекор по чекор“ во градинките и училиштата.
• Наставници на кои им е потребна дополнителна обука за продлабочување на разбирањето на филозофијата на Програмата „Чекор по чекор“ и „Критичко мислење“.
• Родители и други заинтересирани (домашни и странски НВО и други институции кои работат со деца).

Темите по својата содржинска и структуирана поставеност, во однос на времетраењето се модифицираат зависно од возраста, за која се наменети, образовната структура, зависно од потребите на учесниците и нивната финансиска конструкција.

ЕДУКАТИВНИ ТЕМИ

ПСИХО-СОЦИЈАЛНИ ТЕМИ

Програмата „Чекор по чекор“ организира обука за:

• Јавни установи-Детски градинки
• Основни училишта
• Педагошки факултети
• Невладини организации
• Pодители
• И сите други заинтересирани институции кои пројавуваат интерес за следење на темите